Чанд хабар аз хориҷи кишвар

Хоҳиши Комиссияи федеролии Амрико аз Бонки Британия   Душанбе, 26 июл. (АМИТ «Ховар»).-Комиссияи федеролӣ оид ба назорати арзиши нерўи барқи Иёлоти Муттаҳидаи Амрико аз Бонки азими Британияи Кабир «Барклайс» талаб намуд, ки барои зери тасарруфи худ гирифтани нерўи барқ дар штати Калифорния ва баъзе минтақаҳои ғарбии Амрико 453 миллион доллар пардохт намояд.Ин пешниҳоди комиссияи федеролӣ ба солҳои 2006 ва 2008-ум вобаста аст. Дар ин бора пас аз паҳн гардидани овозаҳо аз ҷониби кормандони бонки «Барклайс» дар бораи ин амали худ комиссияи федеролии назорати арзиши барқи Иёлоти Муттаҳидаи Амрико огоҳӣ пайдо намудааст.Намояндагони бонки номбурда изҳор доштанд, ки нисбат ба ин талаботи комиссияи федеролӣ шикоят хоҳанд кард.Мурофиаи суди Ҷоҳар Сарнаев Душанбе, 26 июл. (АМИТ «Ховар»).-Ба гуфти расонаҳои хабарии Аврупо муддати чанд рӯз аст, ки дар шаҳри Бостони Иёлоти Муттаҳидаи Амрико мурофиаи судии Ҷоҳар Сарнаев, ки дар содир намудани амали террористӣ ҳангоми марафон гумонбар дониста мешуд, идома дорад.Бояд гуфт, ки пас аз дар саҳифаҳои рўзномаю маҷаллаҳо чоп гардидани акси Ҷоҳар Сарнаев ғазаби сокинони Бостон нисбат ба ў дучанд гардидааст.Мувофиқи иттилои расида, дар сурати исбот шудани айбномаҳо нисбат ба Ҷоҳар Сарнаев ӯро ҳабси якумра ё ҳукми қатл интизор аст. Сатҳи бекорӣ дар Амрико Душанбе, 26 июл. (АМИТ «Ховар»).-Хадамоти федеролии Хазинаи эҳтиётии молиявии Иёлоти Муттаҳидаи Амрико тасмим гирифтааст, ки ҳаҷми хариди вомбаргҳоро дар давоми сол кам намояд.Дар ин бора сардори хадамоти номбурда Бен Бернанке ҳангоми ҳисоботи нимсола дар конгресс таъкид намуд, ки Иёлоти Муттаҳидаи Амрико дар сурати батадриҷ муътадил гардидани иқтисодиёти мамлакат барномаи беҳдошти вазъи иқтисодии кишварро бекор менамояд.Ба гуфти расонаҳои хабарии дохили кишвар давлат бо мақсади муътадил гардондани иқтисодиёт ҳамасола 85 миллиард доллар сарф менамояд. Дар сурати ба 7 дарсад баробар шудани сатҳи бекорӣ хадамоти федеролӣ аз харидорӣ кардани вомбаргҳо даст хоҳад кашид.Тарҷумаи Иброҳими Ҳабибуллоҳ