Мелиораторон аз «Барқи Тоҷик» қарздоранд

Душанбе, 23 июл.(АМИТ «Ховар», Зарангез Латифова).-Имрӯз дар ҷараёни нишасти хабарӣ Султон Раҳимов, муовини аввали вазири мелиоратсия ва захираҳои оби ҶТ гуфт: «Қарзи умумии корхонаҳои зертобеи вазорат аз истифодаи нерӯи барқ дар назди ШСХК «Барқи Тоҷик» то ҳолати 1 июли соли ҷорӣ 10, 4 млн. сомонӣ ва бо назардошти солҳои гузашта 217,4 млн. сомониро ташкил медиҳад. Хамчунин гуфта шуд, ки мувофиқи рӯйхати иншооти сохтмони асосӣ дар соли 2013 аз ҳисоби маблагҳои мутамарказонидашуда ба вазорат барои иншооти сохтмони асосӣ 20.0 млн сомонӣ , аз ҷумла барои корҳои сохтмонию васлкунӣ 17, 7 млн. сомонӣ маблағ ҷудо гардида, иқтидорҳои зерин ба нақша гирифта шудаанд: аз худнамудани заминҳои нав, — 515 га, беҳтар намудани таъминоти об дар заминҳо – 1790 га, сохтмони чоҳӣ амудӣ — 2 адад, иҷрои корҳои соҳилмустаҳкмкунӣ — 5,1 км, қубури обгузар – 3, 95 км.