Озмуни аккосони ҷавон дар Суғд

Душанбе, 30 июл. (АМИТ «Ховар», Баҳманёр Муродов).-Дар шаҳри Хуҷанди вилояти Суғд таҳти унвони «Нигоҳи ҷавонон» озмуни аккосӣ баргузор мешавад. Гуфта мешавад ин озмун аз 27-уми июл то 3-юми августи соли ҷорӣ идома ёфта, мақсад аз гузаронидани он рушди маҳорати аксбардории ҷавонон ва инъикоси манзараҳои зебои диёр арзёбӣ мешавад. Бар пояи иттилои Хадамоти матбуоти раиси вилоят иштирок дар чорабинӣ озод буда, то ба имрӯз ба озмун 160 сурат аз ҷониби суратгирони касбиву ҳаваскор пешнҳод гардидааст. Дар анҷоми озмуни «Нигоҳи ҷавонон», ки рӯзи 3-юми август баргузор мегардад , ба аксбардорони беҳтарини чорабинӣ ҷоизаҳои хотиравӣ тақдим шуда, ҳамзамон суратҳои беҳтарин дар шабакаи иҷтимоии Facebook гузошта мешаванд.