Сафар Сафаров: «ҲХДТ ҷонибдор ва омодаи ҳамкорӣ бо давлатҳои хориҷист»

Душанбе, 3 июл. (АМИТ «Ховар»).- Имрӯз муовини якуми Раиси Ҳизби Халқии Демократии Тоҷикистон Сафар Сафаров мушовири аршади САҲА/ДИДҲБ оид ба масоили интихобот ҷаноби Ричард Лаппин ва ва мушовири ин созмон Радивоэ Груичаро, ки бо сафари корӣ ба Тоҷикистон омадаанд, ба ҳузур пазируфт. Дар ин бора сомонаи расмии ҲХДТ иттилоъ дода, гуфтааст, ки дар оғози мулоқот Сафар Сафаров дар бораи Ҳизби Халқии Демократии Тоҷикистон, Оиннома ва Барномаи он, сохтори дохилӣ ва фаъолияти он дар давраи пешазинтихоботӣ ба масъулини САҲА маълумот дода, иброз доштааст, ки Ҳизби Халқии Демократии Тоҷикистон таҳти роҳбарии хирадмандонаи Раиси ҲХДТ Эмомалӣ Раҳмон фаъолияти пурсамар дошта, рўз аз рўз обрў ва нуфузи он дар дохил ва хориҷи кишвар меафзояд ва ҳизб ҳамеша ҷонибдор ва омодаи ҳамкориҳо бо кулли давлатҳои хориҷ ва ташкилотҳои байналмиллалист. Ҳамчунин, байни ҷонибҳо доир ба дигар мавзуоти мавриди таваҷҷуҳ гуфтугӯи судманд сурат гирифтааст.