Шиносоӣ бо кори ибратбахши як қатор хоҷагиҳои деҳқонии ноҳияи Вахш

Душанбе, 6 июл (АМИТ «Ховар»).- Зимни шиносоӣ бо фаъолияти як қатор хоҷагиҳои деҳқонии ноҳияи Вахш таҷрибаҳои ибратбахши онҳо ба назар расид.Чунонки аён гардид, аҳли заҳмати ин хоҷагиҳо истифодаи пурсамари заминро ба роҳ монда, дар як замин дар вақт аз ду то панҷ намуди зироатро кишт карда., аз ҳамаи он ҳосили дилхоҳ мегиранд. Масалан кишти якҷояи помидор бо ҷуворимакка, офтобпараст бо нахуд, тарбӯз ва лубиёву мош бо ҷуворимакка ба назар расид.Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.