Афзоиши истихроҷи ангишт -56 ҳазор тонна

Душанбе, 23 август. (АМИТ «Ховар»).-Дар арафаи ҷашни 22- солагии Истиқлолияти ҷумҳурӣ, ҳамчунин Рӯзи ангиштканон истихроҷи ангишт дар ҷумҳурӣ 236 ҳазор тоннаро ташкил дод, ки ин нисбат ба ҳамин давраи соли сипаригардида 56 ҳазор тонна зиёд мебошад. Фурӯши ангишт бо назардошти бақияи солҳои пешин дар якчоягӣ бо воридот дар ҷумҳурӣ 194,7 хазор тоннаро ташкил дод. Захираи ангишт дар анборҳои корхонаҳои соҳаи ангишт ва нуқтаҳои фурӯш зиёда аз 86 ҳазор тоннаро ташкил дода, муштариён метавонанд аз ин нуқтаҳо ва анборҳо харидории ангиштро ба роҳ монанд. Ёдовар мешавем, ки ҳар сол кормандони соҳаи ангишт дар санаи якшанбеи охири моҳи август иди касбии худ- Рӯзи ангиштканонро ҷашн мегиранд. Дар ин бора ба АМИТ «Ховар» аз котиботи Вазорати энергетика ва саноати Ҷумҳурии Тоҷикистон хабар доданд.