Баррасии Ёддошти экологии Тоҷикистону Украина

Душанбе, 26 август. (АМИТ «Ховар», Фарзона Ашӯрмадова).- Дар Саридораи геологияи Тоҷикистон ҳайати геологони Украина, ки таҳти роҳбарии вазири экология ва захираҳои табиии Украина О.Проскуряков дар Тоҷикистон қарор дорад, бо ҳамтоёни худ мулоқот анҷом доданд.Тавре ки аз Саридораи геология хабар доданд, дар мулоқот ҳайати Тоҷикистонро муовини аввали сардори Саридора Р. Бахтдавлатов роҳбарӣ мекард ва дар ҷараёни мулоқот ҷонибҳо масъалаи «Ёддошти тафоҳум оид ба ҳамдигарфаҳмӣ миёни Саридораи геологияи назди ҳукумати Тоҷикистон ва Хадамоти давлатии экологӣ ва захираҳои табиии Украина»-ро баррасӣ намуданд.Ҳамчунин дар мулоқот мусоҳибон ҳамкориҳо дар бахши омӯзиши геологии қаъри замини Тоҷикистон ва Украина, омода кардани мутахассисони соҳа дар донишгоҳҳои Украинаро низ мавриди таваҷҷуҳи хосса қарор доданд.Ҷонибҳо дар охир ба хулоса омаданд, ки то ба имзо расидани Ёддошти тафоҳум дар атрофи масъалаҳои мазкур мубодилаи афкор намоянд.