Боз 244 нафар бо кор таъмин шуд

Душанбе, 21 август. (АМИТ «Ховар», Кристин6а Эрлих). – Тайи ҳафт моҳи соли ҷорӣ дар Тоҷикистон 13 корхонаи хурди истеҳсолкунандаи маводи сохтмонӣ мавриди истифода қарор гирифта, дар натиҷаи ин боз 244 ҷойи нави кор фароҳам гардид.Дар ин бора аз Вазорати энергетика ва саноати ҶТ ба АМИТ «Ховар» хабар доданд.Қобили зикр аст, ки аз моҳи январ то моҳи июли соли равон дар Тоҷикистон 4,9 ҳазор тонна оҳак, 56,3 миллион адад хишт, 347,8 метри мукааб регу шағал ва 5,2 миллион адад блоки сементӣ тавлид шудааст. Дар ҳамин давра 29 ҳазор тонна семент истеҳсол гардид, ки назар ба ҳамин давраи соли гузашта баробари 12,7 ҳазор тонна зиёд аст.