Ду нишони тиллои варзишгарони наврас

Душанбе, 21-уми август.(АМИТ «Ховар», Фарзона Ашӯрмадова)- Ду нафар варзишгари Шӯрои ҷумҳуриявии «Динамо»-и Вазорати корҳои дохилӣ дар мусобиқаи Осиё байни ҷавонону наврасон оид ба варзиши кураш, ки дар музофоти Тайбэеи Ҷумҳурии Мардумии Чин баргузор гардид, сазовори ҷои аввал гардид.Тавре ки дар ин бора сомонаи вазорат хабар медиҳад, дар мусобиқаи мазкур варзишгарон аз 46 давлати дунё байни ҳам қувваозмоӣ намуда, варзишгарони тоҷик дар вазни 46 кило Муҳаммадраҳим Сарахонов ва дар вазни 77 кило Хуршед Маҷидов баромад намуда, бар ҳарифони худ пирӯз гардида, сазовори медали тилло шуданд.Ин варзишгарони наврас ҳамагӣ 15-сол дошта, фарзандони кормандони мақомоти корҳои дохилӣ буда, дастпарварони Шӯрои ҷумҳуриявии «Динамо»-и Вазорати корҳои дохилӣ мебошанд.