Кӯмак ба гурезаи ноболиғ

Душанбе, 23 август.(АМИТ «Ховар»,Фарзона Достонзода).-Моҳи марти соли 2013 ба дастгоҳи Ваколатдор оид ба ҳуқуқи инсон маълумот ворид гардид, ки духтараки ноболиғе аз Афғонистон ба Тоҷикистон омадаасту паноҳгоҳ меҷӯяд.Аз ҷониби кормандони дастгоҳи Ваколатдор оид ба ҳуқуқи инсон духтараки ноболиғ дарёфт шуд, баъдан барои мусоидат намудан баҳри эҳтироми ҳуқуқҳои ӯ, кормандони шуъбаи ҳифзи давлатии ҳуқуқҳои кӯдаки дастгоҳи Ваколатдор оид ба ҳуқуқи инсон дар доираи талаботи қонунгузории амалкунанда як силсила корҳоро ба анҷом расониданд.Дар айни замон бо мусоидати Ваколатдор оид ба ҳуқуқи инсон ва дастгирии Комиссияи назди Ҳукумати Ҷумҳурии Тоҷикистон оид ба ҳуқуқҳои кӯдак, Вазорати корҳои дохилию Вазорати маорифи Ҷумҳурии Тоҷикистон Ф.М. бо ҷои хоби доимӣ ва таълим фаро гирифта шудааст.Дар ин бора ба АМИТ «Ховар» аз хадамоти матбуотии Ваколатдор оид ба ҳуқуқи инсон иттилоъ доданд.