Куштор дар Исфара

Душанбе, 21 август. (АМИТ «Ховар», Л.Қосимова). -Шаби 19 ба 20 августи соли равон, тахминан соатҳои 3-и шаб шахсони номаълум ба хоначаи мавсимии воқеъ дар назди хоҷагии деҳқонии №5, ҷамоати деҳоти «Чоркуҳ»-и ноҳияи Исфара даромада, шаҳрванд Бобо Халлоқов, соли таваллудаш 1952, сокини ҷамоати деҳоти «Чоркуҳ», кӯчаи Холисон хонаи 454, ҳамсараш Муҳтарама Халлоқова, соли таваллудаш 1953, духтараш Гулчеҳра Мамадҷонова, соли таваллудаш 1975 ва наберааш Иноятулло Халлоқов, соли таваллудаш 2000-умро, ки дар мавсими кишт муваққатан дар онҷо зиндагӣ мекарданд, тавассути яроқи оташфишон парронда, ба ҳалокат расонданд.Дар айни замон бо Фармони вазири корҳои дохилӣ гуруҳи махсуси фаврию тафтишотӣ созмон дода шуда, барои муайян ва дастгир намудани ҷинояткорон корҳои тафтишотӣ идома доранд.