Медали ЮНЕСКО ба Президенти Тоҷикистон

Душанбе, 19 август. (АМИТ «Ховар», Пайрав Назаров). – Тавре ки аз Вазорати корҳои хориҷии ҶТ хабар доданд, Дабири кулли ЮНЕСКО Ирина Бокова аз 20 то 22 август аз Тоҷикистон боздид менамояд. Дабири кулли ЮНЕСКО дар ҷараёни сафараш бо Президенти Тоҷикистон Эмомалӣ Раҳмон мулоқот анҷом дода, ба Сарвари давлат медали рамзии ЮНЕСКО – ро месупорад. Ирина Бокова ҳамчунин дар кори Конфронси байналмилалӣ дар сатҳи баланд оид ба ҳамкорӣ дар бахши об, ки 20 – 21 август баргузор мешавад, ширкат менамояд.