Мусодираи зиёда аз 10 кило героин

Душанбе, 13 август. (АМИТ «Ховар», Ибодат Давлатова).-Ҳангоми гузаронидани чорабиниҳои фаврию ҷустуҷӯӣ аз ҷониби кормандони милитсия, 11 августи соли равон дар таҳхонаи дастгиршуда шаҳрванд Зафар Шарифов, соли таваллудаш 1967, сокини шаҳри Душанбе, ки қаблан бо моддаҳои 32 ва 104 КҶ ҶТ суд шудааст, маводи нашъадори героин ба миқдори 10 кг 204 грамм дарёфт ва мусодира карда шуд. Аз рӯи ин ҳодиса мутобиқи моддаи 200 қисми 4 КҶ ҶТ парвандаи ҷиноӣ оғоз гардида, тафтиш идома дорад. Дар ин бора аз ВКД хабар доданд.