Сӯҳбати Н.Зоҳидов бо Сафири Ироқ

Душанбе, 23 август. (АМИТ «Ховар»). – 22 август муовини вазири корҳои хориҷии Тоҷикистон Низомиддин Зоҳидов дар шаҳри Душанбе бо Сафири Ироқ дар Тоҷикистон Ал Мусавӣ Роҷив Собир сӯҳбат намуд. Сафири Ироқ дар ҷараёни мулоқот натиҷаи Конфронси байналмилалӣ дар сатҳи баланд оид ба ҳамкорӣ дар бахши истифодаи обро ба дараҷаи баланд арзёбӣ карда, мақоми пешқадами Президенти Ҷумҳурии Тоҷикистон дар масоили обро ба таври махсус қайд намуд.Ҷонибҳо ҳамчунин перомуни рушду густариши ҳамкории дуҷониба мубодилаи афкор намуданд. Зимни мулоқот ҳамчунин масоили таҳкими ҳамкории миёни ҳар ду кишвар дар доираи созмонҳои байналмилалӣ, аз қабили Созмони Милали Муттаҳид ва Созмони Конфрронси Исломӣ, мавриди муҳокима қарор гирифтанд.Дар ин бора аз Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» хабар доданд.