Шаҳрвандони тоҷик урдугоҳҳоро тарк намуданд

Душанбе, 14 август. (АМИТ «Ховар»). – Шаҳрвандони Тоҷикистон, ки чанде пеш аз боздоштгоҳи махсуси шаҳри Маскав ба қабулгоҳи махсуси идораи пулиси ин шаҳр интиқол дода шуда буданд, вақтҳои наздиктарин ба Ватан фиристода мешаванд.Дар ин бора намояндаи махсуси Сафорати Тоҷикистон дар Федератсияи Русия Муҳаммад Эгамзод хабар дод. Назар ба хабари манбаъ, 13 август сардори Хадамоти консулгарии Сафорати Ҷумҳурии Тоҷикистон дар Федератсияи Русия Садбарг Ғаниева аз Маркази боздоштгоҳи шаҳрвандони хориҷии Раёсати шаҳрии корҳои дохилии шаҳри Маскав, ки дар он бисёр муҳоҷирони хориҷӣ ва ҳамватанони мо бар асари вайрон кардани қонуни муҳоҷиратии Русия дар он нигоҳ дошта мешаванд, боздид намуд.Ба гуфтаи Муҳаммад Эгамзод, алҳол дар урдугоҳи муҳоҷиратии ноҳияи Голяновои шаҳри Маскав ягон шаҳрванди Тоҷикистон боқӣ намонда, ҳамаи онҳо баъди ба расмият даровардани ҳуҷҷатҳо аз ҳисоби буҷаи федералии Русия ба Ватан фиристода мешаванд.