Шиносоӣ бо барномаи “Бунёди омодагӣ барои иқлими сабз”

Душанбе, 17 август. (АМИТ «Ховар», Назир Назиров).- 15 августи соли 2013 дар Агентии Олмон оид ба ҳамкориҳо (GIZ) дар шаҳри Душанбе нишасти шиносоӣ бо Барномаи «Бунёди омодагӣ барои иқлими сабз” баргузор гардид. Ба ҳамагон маълум аст, ки Фонди байналмилалии иқлими сабз соли 2009 таъсис дода шудааст. Вохӯрӣ бо иштироки роҳбари дафтари Бонки рушди Олмон хонума Керстин Лаабс ва роҳбари дафтари GIZ дар Тоҷикистон Штефан Эрбер баргузор гардид.Дар нишасти шиносоӣ намояндагони Кумитаи ҳифзи муҳити зисти назди Ҳукумати Ҷумҳурии Тоҷикистон ва ташкилотҳои ғайри давлатӣ иштирок доштанд. Бунёди иқлими сабз пеш аз ҳама ин мусоидат ба тағйирёбии иқлим ба шумор меравад ва Ҷумҳурии Тоҷикистон дар байни даҳ давлати пилотие, ки муайян шудааст, имконияти гирифтани дастгириро дорад. Кумитаи ҳифзи муҳити зисти назди Ҳукумати Ҷумҳурии Тоҷикистон ҷонибдории худро барои дастгирӣ аз “Бунёди сабзи иқлим” расман изҳор намуда ва бори дигар онро барои ёрӣ дар кори мусоидат ба ниҳодҳои миллии иҷроия дар гирифтани аккредитатсия ва фаъолият дар мутобиқсозии дурномаҳои миллӣ ва соҳавӣ тасдиқ намуд.