Ҷаласаи Шӯрои ҳамоҳангсози прокурорҳои генералии ИДМ

Душанбе, 26 сентябр. (АМИТ «Ховар», Лутфия Эшонқулова). – Имрӯз, 26 сентябр, дар Қирғизистон ҷаласаи Шӯрои ҳамоҳангсозии прокурорҳои генералии давлатҳои аъзои ИДМ баргузор мегардад. Мувофиқи хабари хадамоти матбуоти Кумитаи иҷроияи ИДМ, аъзои Шӯро ҷараёни иҷрои барномаҳои ҳамкории давлатҳои ИДМ дар мубориза бо ҷинояткорӣ, терроризм ва зуҳуроти дигари зӯроварии ифротталабон, гардиши ғайриқонунии маводи нашъаовар, одамрабоӣ барои солҳои 2011 – 2013 ва муқовимат ба муҳоҷирати ғайриқонунӣ барои солҳои 2012 – 2014 – ро таҳлил менамоянд. Ғайр аз ин дар ҷаласа амалияи иҷрои шартномаҳои байналмилалии давлатҳои аъзои ИДМ дар бахши мубориза бо ҷинояткорӣ мавриди баррасӣ қарор гирифта, барои такмили ин кор тадбирҳо андешида мешаванд.Аъзои Шӯро ҷараёни иҷрои дурнамои кор барои солҳои 2011 – 2013 ва лоиҳаи дурнамои фаъолият барои солҳои 2014 – 2018, амалияи фаъолияти мақомоти прокуратура дар амри ҳифзи ҳуқуқҳои шаҳрвандон берун аз ҳудуди давлаташонро мавриди муҳокима қарор медиҳанд.Ҳамчунин раиси Шӯрои ҳамоҳангсозии прокурорҳои генералии давлатҳои аъзои ИДМ барои мӯҳлати навбатӣ интихоб гардида, замону макони доир намудани ҷаласаи навбатӣ муайян карда мешавад.