«Амалиёти бачаҳо» дар 100 мактаби пойтахт

 
Душанбе, 2 сентябр. (АМИТ «Ховар», Фарзона Ашӯрмадова).-Кормандони  Раёсати Бозрасии давлатии автомобилии шаҳри Душанбе бо мақсади пешгирии ҳодисаҳои роҳу нақлиётӣ ва дар зери чарх намондани кӯдакону наврасон дирӯз, 1-уми қариб дар 100 мактаби миёна ва литсейҳои пойтахт  мулоқотҳо анҷом доданд.
Тавре ки дар ин бора аз шуъбаи иттилоот ва робитаи Раёсати Бозрасии давлатии автомобилии пойтахт хабар доданд, мулоқотҳои афсарону  кормандони шуъбаҳои БДА-и маҳаллӣ дар доираи чорабинии мақсадноки «Амалиёти бачаҳо», ки шуруъ аз 31-уми август то 9-уми сентябр  дар қаламрави ҷумҳурӣ ҷараён мегирад, сурат гирифтааст.