Баррасии амнияти Афғонистон ва минтақа дар ДМТ

Душанбе, 24 сентябр. (АМИТ «Ховар», Сабоҳат Қадамова).- Дар доираи корҳои илмию фарҳангии Донишгоҳи миллии Тоҷикистон тӯли ду рӯз дар факултети муносибатҳои байналмилалии донишгоҳи мазкур конфронси илмию назарӣ дар мавзӯи «Афғонистон ва амнияти минтақа» баргузор гардид.Тавре ки дар ин бора аз факултети мазкур хабар доданд, дар конфронс донишҷӯёни донишгоҳи Элмит Шмидти Гамбурги Ҷумҳурии федеролии Олмон, донишҷӯёни донишгоҳи Бишкек ва Донишгоҳи иқтисоди ҷаҳонӣ ва дипломатияи Ӯзбекистон иштирок карда, оид ба ҳамкориҳои минбадаи байналхалқӣ маърӯзаҳо намуданд.Гуфта мешавад, ки донишҷӯёни донишгоҳҳои мазкур баъди ин конфронс аз марказҳои фарҳангӣ ва таърихии пойтахт ва шаҳри Хуҷанд дидан намуда, баъдан кори худро дар Бишкек идома хоҳанд дод.Ба иттилои манбаъ, ин барномаи аввалини ҳамкориҳои ДМТ дар чорчӯбаи ҳамкориҳои DAAD-и Ҷумҳурии федеролии Олмон мебошад.