Дастаи ФФТ- барандаи Ҷоми футболи клуби “Истиқлол”

Душанбе, 6 сентябр. (АМИТ «Ховар», Фарзона Ашӯрмадова).-Дастаи Федератсияи футболи Тоҷикистон дар дидори финалӣ бо тими ширкати “Вавилон” пирӯз гардида, барандаи Ҷоми футболи клуби «Истиқлол» гардид.Тавре ки дар ин бора сомонаи Федератсияи футболи Тоҷикистон хабар медиҳад, дастаи ФФТ дар дидор рақибашро бо ҳисоби 4:1 шикаст дода, соҳиби Ҷом шуд. Бозии мазкур шоми дирӯз, 5-уми сентябр дар майдончаи варзишии болопӯшидаи Варзишгоҳи марказии пойтахт баргузор гардида, дар он шумораи зиёди мухлисони дастаҳо ҷамъ омада буданд. Баъди анҷоми қувваозмоӣ раҳбарият ва футболбозони бошгоҳи “Истиқлол” ғолибони мусобиқотро бо медалҳои тило қадр қарда, ба онҳо Ҷом ва 40 ҳазор сомонӣ тақдим карданд. Ба дастаи ширкати “Вавилон”, ки дар дар ҷои дуюм қарор гирифт, нишонҳои нуқрагин ва 20 ҳазор сомонӣ тақдим карда шуд.