Маҳфили Рӯдакихонӣ дар Бохтар

Хатлон, 20 сентябр.(АМИТ «Ховар», Меҳрубон Сатторова).-Дирӯз дар Мактаби президентӣ барои хонандагони болаёқат дар ноҳияи Бохтари вилояти Хатлон бахшида ба « Рӯзи Рӯдакӣ» маҳфили шеъру суруд баргузор гардид. Хонандагон аз эчодиёти устод Рӯдакӣ шеърҳо қироат карда, оид ба сухани воло ва хусусияти тарбиявӣ доштани қасидаву рубоиёти шоир сухан гуфтанд. Дар чорабинӣ байни хонадагони мактаб озмун доир гардида, қироатгарони беҳтарин аз тарафи роҳбарият қадрдонӣ шуданд. Дар чорабинӣ меҳмонон ва намояндагони васоити ахбори омма иштирок доштанд. Ба хотири болидагии хотири иштирокчиён дастагули мусиқии «Ғунчаҳои мактаб» пешкаш карда шуд.