Мева фаровон мешавад

Қӯрғонтеппа, 23 сентябр. (АМИТ «Ховар», Мурод Сотиев). – Тайи 8 моҳ дар вилояти Хатлон 321 ҳазору 300 тонна мева ҷамъоварӣ шудааст. Мувофиқи маълумоти Раёсати кишоварзии вилояти Хатлон, боғдорони ноҳияҳои Темурмалик, Данғара, Хуросон ва Восеъ дурнамои ҷамъоварии меваро аллакай иҷро намудаанд. Ба фикри мутахассисони соҳаи мазкур, имсол дар вилояти Хатлон ҳосили фаровони зироатҳои кишоварзӣ рӯёнида шуда, алҳол ҷамъоварии он дар ҳамаи ноҳияҳои вилоят идома дорад.