Муҳокимаи масъалаи энергияи устувор дар Қафқоз

Душанбе,  3  сентябр. (АМИТ «Ховар»). – Дар  ҳошияи  Созишномаи раисони  шаҳрҳо  бахшида ба  мақоми   ниҳодҳои   миллию  минтақавии  ҳокимият  дар  мубориза  бо  тағйири  иқлим  ва  самарбахшии   захираҳои  истифодашаванда  аз  5  то 6  сентябр  дар  Гурҷистон  ҳамоиш  баргузор  мегардад. 
 
Дар  ин  чорабинӣ ба таҷрибаи   амалии  менеҷменти  самарабахши  энергетикӣ, ки   мақсад  аз  он  коҳиш  додани  партовҳои  кимиёвӣ  мебошад,  таваҷҷӯҳи  хоса  зоҳир  мегардад. 
 
Тавре  ки  аз  намояндагии  Иттиҳоди  Аврупо   дар  Тоҷикистон  хабар  доданд,   дар  ҳамоиши  дурӯза   коршиносони   бахши  энергетикаи   Тоҷикистон, Қафқоз,  Украина,  Молдова, Қазоқистон,  ҳамчунин  намояндагони муассисаҳои   маблағгузории байналмилалӣ иштирок менамоянд.