Оғози ҷаласаи навбатии сарони давлатҳои аъзои СҲШ

Душанбе, 13 сентябр (АМИТ «Ховар»).-Дар шаҳри Бишкек ҷаласаи навбатии сарони давлатҳои аъзои Созмони ҳамкории Шанхай (СҲШ) ба кори худ шурӯъ намуд.Барои иштирок дар он сарони ҳамаи давлатҳои аъзо, намояндагони воломақом аз кишварҳои нозир ва шарикон барои муколама ба ҳам омадаанд.Дар ин ҳамоиш масоили мубрами минтақавию ҷаҳонӣ, таъмини амну субот ва густариши ҳамкории иқтисодию тиҷоратӣ, сармоягузорӣ, илмию техникӣ ва фарҳангии миёни кишварҳои аъзои созмон баррасӣ мегардад.Аз рӯйи натиҷаҳои ҳамоиш имзои чанд санади муҳим, аз ҷумла Эъломияи Бишкекии сарони давлатҳои аъзои СҲШ дар назар аст.Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.