Оғози Конфронси 57-уми умумии Агентии байналмилалии нерӯи атомӣ дар Вена

Душанбе, 17 сентябр. (АМИТ «Ховар»).- 16 сентябри соли 2013 дар Вена Конфронси 57-уми умумии Агентии байналмилалии нерӯи атомӣ (МАГАТЭ) ба кори худ оғоз кард.  Намояндаи доимии Тоҷикистон дар назди СММ ва дигар созмонҳои байналмилалӣ дар Вена Исматулло Насриддинов дар кори конфронс ширкат варзид. Рӯзномаи ҷаласаи ифтитоҳии конфронс аз масъалаҳои интихобу таъйини шахсони масъул ва кумитаи умумӣ, баррасии муроҷиатҳо оид ба узвият ба агентӣ, муроҷиати Дабири кулли СММ, муҳокимаи асосӣ ва ироаи гузориши солона барои соли 2012 иборат буд. Инчунин дар ҷаласаи мазкури Конфонси умумӣ Юкие Амано ба ҳайси Мудири кулли Агентии байналмилалии нерӯи атомӣ ба муҳлати чор соли оянда аз нав тасдиқ гардид. Хотирнишон месозем, ки Конфронси 57-уми умумии Агентии байналмилалии нерӯи атомӣ кори худро то 20 сентябри соли ҷорӣ давом хоҳад дод