Ошкор кардани гуруҳи нашъаҷаллоб дар Суғд

Душанбе, 11 сентябр. (АМИТ «Ховар», Л. Қосимова). — Тавре ки ба АМИТ «Ховар» аз дафтари матбуоти Агентии назорати маводи нашъаовари назди Президенти Ҷумҳурии Тоҷикистон (АНМН) хабар доданд, кормандони Раёсати агентӣ дар вилояти Суғд дар рӯзҳои ид, фаъолияти гуруҳи ҷинояткоронро, ки дар ҳудуди вилоят ба фурӯши маводи нашъадор машғул буданд, қатъ намуданд.Дар вақти гузаронидани чорабиниҳои фаврию ҷустуҷӯӣ 3 нафар шаҳрванди ҷумҳурӣ, ки дар ҳудуди вилоят ба фурӯши маводи нашъаовари навъи ҳашиш машғул буданд, дастгир шуданд. Яке аз дастгиршудагон хонандаи синфи 11-уми гимназияи шаҳри Хуҷанд буд.Зимни гузаронидани чорабиниҳои иловагии фваврию ҷустуҷӯӣ муайян гардид, ки ташкилотчии гуруҳ сокини 34-солаи шаҳри Чкаловск буда, соли 2010 барои содир намудани ҷиноят бо моддаи 247 «қаллобӣ» КҶ ҶТ УК РТ суд шудааст. Ҳамзамон дар вақти азназаргузаронии мошини роҳбари гуруҳи мазкур аз дохили он низ маводи нашъаовари ҳашиш ёфт ва мусодира гардид.Аз рӯи ҳодисаи мазкур нисбат ба иштирокчиёни гуруҳи нашъаҷаллоб бо моддаи 200, қисми 3 КҶ ҶТ «муомилоти маводи нашъаовар бо мақсади фурӯш» парвандаи ҷиноятӣ оғоз карда шуд. Тафтишот идома дорад.