Сӯхтор дар нуқтаи маводи сӯзишворӣ
Душанбе, 17 август. (АМИТ «Ховар», Л. Қосимова).- 15 cентябри соли равон дар мағозаи хусусии қисмҳои эҳтиётии нуқтаи фурӯши маводи сӯзишвории ҶДММ «Сайдалӣ», воқеъ дар деҳаи Қурбоншаҳиди ноҳияи Восеъ, ки ба соҳибкор Шокиров Сайдалӣ, сокини ноҳияи Восеъ тааллуқ дорад, дар масоҳати 12 метри мураббаъ сӯхтор ба амал омад. Дар натиҷаи сӯхтор қисмҳои эҳтиётӣ ва ашёву анҷоми мағоза сӯхта нобуд шудааст, ки зарари расида 3200 сомониро ташкил дод.Тавре ки ба АМИТ «Ховар» аз дафтари матбуоти ВКД хабар доданд, сабаби сӯхтор, ин вайрон кардани қоидаҳои бехатарӣ ҳангоми холӣ кардани гази моеъ аз мошини тамғаи «КАМАЗ» буд. Гунаҳкори ҳодисаи сӯхтор- ронандаи мошини мазкур Сайфулло Ғазалов, сокини ҳамин ноҳия мебошад. Ҳангоми хомӯш кардани сӯхтор бадани ронанда Ғазалов С. 40 % ва фурӯшандаи нуқтаи фурӯши маводи сӯзишворӣ Сайдалии Сайвалӣ 30 % сӯхта, онҳо дар беморхона бистарӣ гардиданд. Бо кӯшиши оташнишонон сӯхтор безарар гардонида шуд.








9 феврал дар якчанд идораю корхона нишасти матбуотӣ баргузор мегардад
Оид ба тағйирёбии иқлим ва стратегияҳои мутобиқшавӣ дар Осиёи Марказӣ конференсияи байналмилалӣ доир мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
«МегаФон Life»: алоқа бе маҳдудият ва хароҷоти зиёдатӣ
НИШАСТИ МАТБУОТӢ. Палатаи савдо ва саноат иштироки соҳибкоронро дар 38 намоишгоҳ таъмин намудааст
СОЛИ 2026 — СОЛИ АМАЛҲОИ НЕК, ТАШАББУСҲОИ СОЗАНДА ВА ДАСТОВАРДҲОИ НАЗАРРАС. Онро метавон марҳилаи нави ободонӣ ва худшиносии миллӣ номид
Имрӯз дар баъзе ноҳияҳои Тоҷикистон туман мефарояд






