Варзишгарон соҳиби унвон мегарданд

Душанбе, 5 август. (АМИТ «Ховар», Л. Қосимова). — Дар арафаи ҷашни миллӣ- 22 солагии Истиқлолияти давлатӣ нимаи дуввуми санаи 5 сентябри соли ҷорӣ дар маҷлисгоҳи дастгоҳи марказии Кумитаи ҷавонон, варзиш ва сайёҳӣ раиси кумита Маликшо Неъматов як гуруҳ варзишгарону собиқадорон ва мураббиёну кормандонро барои хизматҳои шоён дар рушду густариши тарбияи ҷисмонӣ ва варзиш бо унвонҳои фахрӣ, варзишӣ ва дараҷаҳои тахассусӣ қадрдонӣ мекунад. Аз ҷумла, бо унвони варзишии «Номзад ба Устоди варзиши Ҷумҳурии Тоҷикистон» 7 нафар, «Устоди варзиши Ҷумҳурии Тоҷикистон 63 нафар, «Устоди варзиши дараҷаи байналмилалӣ 13 нафар, «Мураббии тахассуси дараҷаи олӣ» 4 нафар, «Мураббии шоистаи Ҷумҳурии Тоҷикистон» 6 нафар, унвони фахрии варзишии «Довари дараҷаи ҷумҳуриявӣ» 3 нафар, «Корманди шоистаи тарбияи ҷисмонӣ ва варзиши Ҷумҳурии Тоҷикистон» 11 нафар, «Устоди шоистаи варзиши Ҷумҳурии Тоҷикистон» 2 нафар сарфароз мегарданд.Дар ин бора ба АМИТ «Ховар» аз бахши иттилоотии Кумитаи ҷавонон, варзиш ва сайёҳӣ хабар доданд.