Ҷамъомади таълимию методӣ дар шаҳри Хуҷанд

Душанбе, 3 сентябр. (АМИТ «Ховар», Л. Қосимова). — Имрӯз дар шаҳри Хуҷанд ҷамъомади таълимӣ-методӣ бо иштироки роҳбарони зерсохторҳои Ташкилоти ҷамъияти мададгори мудофиаи ҶТ оғоз ёфт, ки он тӯли се рӯз давом хоҳад кард. Субҳи имрӯз раиси Кумитаи марказии ташкилот генерал-майори гвардия Музаффар Гулмадов дар бораи оинномаи ташкилот, ҷиҳатҳои роҳбарикунанда ва ташкили фаъолияти таълимӣ машғулият гузаронид Ин қабил чорабиниҳо моҳи гузашта дар вилояти Хатлон низ гузаронида шуда, минбаъд дар тамоми қаламрави ҷумҳурӣ баргузор мешаванд. Мақсад аз баргузории ҷамъомадҳо- ин такмили ихтисоси кормандон мебошад. Тавре ки ба АМИТ «Ховар» котиби матбуотии ТҶММ ҶТ Абдурақиб Қодиров аз шаҳри Хуҷанд иттилоъ дод, чорабинии мазкур дар толори мактаби муттаҳидаи ба номи генерал-майор Валӣ Маҳмадов дар шаҳри Хуҷанд гузашта истодааст.