Хати технологии нав дар «Элита»-и шаҳри Истаравшан

Хуҷанд, 10 октябр. (АМИТ «Ховар», Ситора Раҷабова).- Раиси вилояти Суғд Қоҳир Расулзода зимни сафари корӣ дар коргоҳи ҶДММ «Элита»-и шаҳри Истаравшан хати технологии навро ба истифода дод. Қоҳир Расулзода пас аз буридани лентаи рамзӣ аз дохили корхона дидан намуда, бо технологияи ҷадид шинос гардид. Зикр гардид, ки бо харидории таҷҳизоти нав-хатти технологии «Тетра пак» аз ширкати Gemina Processos Alimentaros-и давлати Испания ва «Пастеризатори РМ 100» аз ширкати Vitan-и давлати Полша дар ҳаҷми 1 миллиону 450 ҳазор доллари ИМА ҳаҷми истеҳсол ба маротиб афзоиш ёфтааст. Имрӯз дар ин корхона 5 намуди маҳсулот аз меваҳои маҳаллӣ истеҳсол мешавад. Иқтидори истеҳсолии корхона пас аз насби таҷҳизот дар як соат ба 5 ҳазору 500 қуттӣ баробар шудааст.