Қурби миёнаи доллари ИМА ва евро каме баланд шуд

Душанбе, 15 ноябр. (АМИТ«Ховар», Лайло Қосимова).  Дар нуқтаҳои мубодилаи асъори ҷумҳурӣ ҳафтаи равон қурби доллари  ИМА афзуда, ба ҳисоби миёна дар ҳудуди 4,9059-4,9237 сомонӣ қарор гирифт. 
     Қурби миёнаи амалиёт бо рубли русӣ бетағйир монда, 0,1488 — 0,1498 сомониро ташкил намуд, қурби евро  каме баланд шуда, ба 6,5277 — 6,5512 сомонӣ баробар шуд. 
Тавре ки аз хадамоти матбуоти Бонки миллии Тоҷикистон хабар доданд, 14-уми ноябр қурби миёнаи доллари ИМА дар нуқтаҳои мубодилаи асъори шаҳри Душанбе 4,9080-4,9260 сомонӣ, Хуҷанд 4,9200-4,9300 сомонӣ ва шаҳри  Қурғонтеппа 4,9100-4,9300 сомониро ташкил дод.