25-уми ноябр- рӯзи байналмилалии мубориза алайҳи хушунат

Душанбе, 25 ноябр. (АМИТ «Ховар», Руқияи Боймамад).- “Оила бидуни зӯроварӣ”- таҳти чунин ном имрӯз дар бинои “Вафо” мизи мудаввар бо иштироки як зумра намояндагони ташкилотҳои ҷамъиятию ғайридавлатӣ ва намояндагони ВАО ширкат доштанд. Чорабинии мазкур аз 25 ноябр то 10 декабр гузаронида мешавад.Зимни нишасти мазкур, масъулони созмони иҷтимоии “Лигаи занҳои ҳуқуқшиноси Тоҷикистон” баён карданд, ки ҳафтод дарсади занҳои Тоҷикистон дучори хушунат дар хонаводаҳо мешаванд.Моҳи сентябри соли 2012 марҳалаи ҳаштуми лоиҳа оғоз гардид, ки он то соли 2015 давом хоҳад кард. Мақсади умумии лоиҳа аз паст кардани сатҳи зӯроварӣ дар оила ҳамчун поймолкунии мудҳиштарини ҳуқуқи инсон ва инчунин баланд бардоштани савияи маълумотнокии мардум оид ба масоили зӯроварӣ дар оила иборат аст. Бояд гуфт қонуни ҶТ “Дар бораи пешгирии зӯроварӣ дар оила” аз 19 марти соли 2013 қабул шудааст.