ФФТ бозингар, мураббиву довари беҳтаринро муайян кард

Душанбе, 6 ноябр. (АМИТ «Ховар», Фарзона Ашӯрмадова).- Федератсияи футболи Тоҷикистон беҳтарин бозингар, беҳтарин мураббӣ ва беҳтарин довари моҳи октябрро эълон кард.
Тавре ки дар ин бораи сомонаи ФФТ хабар додааст, беҳтарин бозингар, беҳтарин мураббӣ ва беҳтарин довар дар моҳи октябр бозингари дастаи «Истиқлол» Ҷаҳонгир Эргашев, сармураббии дастаи «Хуҷанд» Мубин Эргашев ва довари қурғонтеппагӣ Равшан Эшматов дониста шуданд.
Гуфта мешавад, ки федератсия барои Ҷаҳонгир Эргашев, Мубин Эргашев ва Равшан Эшматов 500 сомонигӣ мукофот таъйин намудааст. 
Ёдрас мешавем, ки ФФТ ҳар моҳ натиҷаи бозиҳоро пайгирӣ карда, дар охири моҳ беҳтаринҳоро муайян мекунад.