Муҳокимаи масъалаи таълими забони русӣ
Душанбе, 14 ноябр. (АМИТ «Ховар», Кристина Эрлих).- Дар Маркази илму фарҳанги Русия воқеъ дар шаҳри Душанбе семинари навбатии сеюми сайёр аз рӯи масоили таълими забони русӣ анҷом ёфт.
Семинарро Донишкадаи давлатии забони русӣ ба номи А.С.Пушкин дар ҳошияи Барномаи мақсадноки федералии «Забони русӣ» барои солҳои 2011 – 2015 барои муаллимони русшиноси миллии макотиби ибтидоӣ ва асосӣ доир намуд.
Тавре ки аз Намояндагии ҳамкории Русия дар Тоҷикистон ба мухбири АМИТ «Ховар» хабар доданд, дар ҳошияи хатми семинар мизи мудаввар аз рӯи масоили семинар баргузор гардида, зимни он натиҷаи кори панҷрӯза ҷамъбаст шуд.
Дар маросими хатми семинар раиси Кумитаи илм, таҳсилот, фарҳанг ва сиёсати байни ҷавонони Маҷлиси намояндагони Маҷлиси Олӣ профессор Марҳабо Ҷабборова, президенти Академияи таҳсилоти Тоҷикистон Ирина Каримова, муншии сеюми Сафорати Федератсияи Русия дар Тоҷикистон Игор Ковалёв, ҳамчунин роҳбари Намояндагии ҳамкории Русия дар Тоҷикистон Владислав Курнушко, аъзои ҳайати донишкадаи давлатии забони русӣ ба номи А.С.Пушкин, омӯзгорони макотибу донишкадаҳои олии Тоҷикистон ширкат доштанд.
Баъди анҷоми кори семинар маросими ба иштирокдорони он супурдани сертификатҳо баргузор гардид.








9 феврал дар якчанд идораю корхона нишасти матбуотӣ баргузор мегардад
Оид ба тағйирёбии иқлим ва стратегияҳои мутобиқшавӣ дар Осиёи Марказӣ конференсияи байналмилалӣ доир мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
«МегаФон Life»: алоқа бе маҳдудият ва хароҷоти зиёдатӣ
НИШАСТИ МАТБУОТӢ. Палатаи савдо ва саноат иштироки соҳибкоронро дар 38 намоишгоҳ таъмин намудааст
СОЛИ 2026 — СОЛИ АМАЛҲОИ НЕК, ТАШАББУСҲОИ СОЗАНДА ВА ДАСТОВАРДҲОИ НАЗАРРАС. Онро метавон марҳилаи нави ободонӣ ва худшиносии миллӣ номид
Имрӯз дар баъзе ноҳияҳои Тоҷикистон туман мефарояд






