Палатаи болоӣ масъалаҳои муҳимро ҷонибдорӣ менамояд

Душанбе, 8 ноябр.(АМИТ «Ховар», Марзия Саидова).-Интизор меравад, ки дар иҷлосияи ғайринавбатии Маҷлиси миллии Маҷлиси Олии Ҷумҳурии Тоҷикистон, ки 11 ноябри соли равон дар шаҳри Душанбе даъват мешавад, маҷмӯи масъалаҳои марбут ба рушди ҳаёти сиёсию иқтисодии кишвар матраҳ хоҳанд гашт.
              Аз Шӯрои палатаи болоии Парлумони мамлакат ба АМИТ «Ховар» иттилоъ доданд, ки аъзои Маҷлиси миллӣ Қонунҳои Ҷумҳурии Тоҷикистон «Оид  ба ворид намудани иловаҳо ба Қонуни Ҷумҳурии Тоҷикистон «Дар бораи иҷозатномадиҳӣ ба баъзе намудҳои фаъолият», «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи рамзҳои Президенти Ҷумҳурии Тоҷикистон», «Дар бораи фаъолияти бонкӣ», «Дар бораи молияи давлатии Ҷумҳурии Тоҷикистон» ва «Дар бораи ворид намудани  тағйиру иловаҳо ба Кодекси ҷиноятии Ҷумҳурии Тоҷикистон»-ро баррасӣ ва ҷонибдорӣ менамоянд.
                Мавриди зикр аст, ки қонунҳои мазкур қаблан аз ҷониби  палатаи поёнии Парлумони мамлакат- Маҷлиси намояндагон баррасӣ ва қабул гардида буданд.