Сӯхтор дар вилояти Хатлон

Душанбе, 13 ноябр. (АМИТ«Ховар», Лайло Қосимова). -Рӯзи 12 ноябри соли равон  соати 19-28 дақиқа дар хонаи шахсии шаҳрванд Файзиламоҳ Исломова, истиқоматкунандаи кўчаи Маяковскии  вилояти Хатлон сўхтор ба амал омад. Ҳангоми сўхтор дар масоҳати 36 метри мураббаъ молу амволи хона сўхта зарар дид. Сабаби  сўхтор беэҳтиётона истифода бурдани таҷҳизоти гармидиҳии барқӣ мебошад. Гунаҳгори ҳодисаи сўхтор соҳибхона буда, зарари расида  2300 сомониро ташкил дод. 
Тавре ки аз дафтари  матбуоти Хадамоти давлатии оташнишонии  ВКД хабар доданд, маблағи аз нобудшавӣ эмин доштаи оташнишонон ба 45 000 сомонӣ баробар  мебошад.