Тасдиқи рӯйхати ҷашнвораҳои Тоҷикистон аз ҷониби ЮНЕСКО

Душанбе, 18 ноябр. (АМИТ «Ховар»).-Дар ҷаласаи 37-уми Конфронси генералии ЮНЕСКО рӯйхати ҷашнвораҳо ва зодрӯзи шахсони маъруфе, ки аз ҷониби созмони ЮНЕСКО солҳои 2014-2015 таҷлил мешаванд, тасдиқ гардид. Дар рӯйхати мазкур 4 номгӯйи Ҷумҳурии Тоҷикистон низ шомил аст.—700- солагии Мир Саид Алии Ҳамадонӣ, мутафаккир ва файласуфи шарқ (номинатсияи якҷоя бо Эрон);—600- солагии Абдураҳмони Ҷомӣ, файласуф;—3000- солагии Ҳисор;—100- солагии Зиёдулло Шаҳидӣ, оҳангсоз.Бояд зикр кард, ки ҳуҷҷатҳои номгӯйи мазкур аз ҷониби шуъбаи Комиссияи миллӣ ба созмони ЮНЕСКО соли 2011 пешниҳод шуда буданд ва хушбахтона, имрӯз аз ҷониби Дабири кулл тасдиқ гардиданд, ки ин нишонаи дастгирии сиёсати фарҳангии кишвари мо мебошад.Дар ин бора котиби масъули Комиссияи миллии Ҷумҳурии Тоҷикистон оид ба корҳои ЮНЕСКО Шаҳло Абдураҳимова хабар дод.