Таъсиси клиникаҳои байторӣ дар Кӯлоб

Кӯлоб, 30 ноябр. (АМИТ «Ховар», С. Холов).-Дар раёсати назорати байтории минтақаи Кӯлоб 400 нафар байторон кор мекунанд, ки 200 нафари онҳо соҳиби маълумоти олӣ мебошанд. Дар давоми солҳои охир раёсати байтории минтақаи Кӯлоб бо мақсади ба байторон ва аҳолӣ дастрас намудани маводи доруворӣ барои ҳайвони калони шохдор ва моли майда клиникаҳои ветеринариро фаъол гардониданд ва дар ин клиникаҳо ҳамаи намуди доруворӣ мавҷуд буда, шаҳрвандон имкон доранд онҳоро бо нархҳои арзон харидорӣ намоянд. Раёсати мазкур дар ҳамаи бозорҳои шаҳру ноҳияҳои минтақа озмоишгоҳҳои хешро фаъол гардонидааст, ки сифати маҳсулоти хӯрокаи ба бозор ворид гардидаро аз ташхис гузаронанд. Мутаассифона, дар сохаи байторӣ мушкилоти асосӣ нарасидани мутахассисони ҷавон ба шумор меравад.