Ҳадаф – баланд бардоштани маърифати экологӣ

Шаҳринав, 11 декабр. (АМИТ «Ховар», Ҳотам Рабиев).- Ташкилоти ҷамъиятии маркази дастгирии ҷамоати «Сабо»-и ноҳияи Шаҳринав ҳанӯз соли 2009 бо дастгирии Барномаи рушди Созмони Миллали Муттаҳид дар назди ҷамоати Сабо ташкил гардида, самти фаъолияташ серпаҳлӯ ва ҳудуди фаъолияти он ноҳияи Шаҳринав ва дар айни ҳол шаҳри Турсунзодаро низ фаро гирифтааст.Марказ дар назди худ вазифа гузошта, ки ҷиҳати баланд бардоштани сатҳи маърифати экологии мардум, бедор намудани ҳисси табиатдӯстиву меҳанпарастии насли ҷавону наврас, рушди туризм дар кишвар, ҳифзи солимии мардум, таъсиси ҷойҳои нави корӣ, бахусус барои занону ҷавонон тавассути тадбирандешиҳо ва баргузории чорабиниҳо мусоидат намояд.Тибқи иттилои директори марказ Гулшан Каримова то ин дам як силсила корҳои нек дар самти ҳифзи табиат ба иҷро расидаанд. Аз ҷумла, якчанд давраҳои омӯзишӣ дар мавзӯи «Конвенсияи Орхусс» низ баргузор шуд.