Адибон- тарғибгарони маърифат

Турсунзода,12 декабр. (АМИТ «Ховар», Ҳотам Рабиев).- Дар асрҳои пешин доираҳои адабии Ҳисор шуҳрату эътибори хосса доштанд. Шоирони номдор Парии Ҳисорӣ, Ҳасрати Ҳисорӣ, Карим-девона ва дигарон бо шеърҳои ноби хеш вирди забони пиру барно буданд. Аз ҷумла, дар деҳаи Қаратоғ ҳам маҳфили адабӣ амал мекард. Шеърҳои Хиҷилии Қаратогӣ, Мафтуни Қаратогӣ ва ашъори Муллоашӯрро мардум медонанд. Баъдтар шуҳрати ин деҳаро фарзанди фарзонаи тоҷик устод Мирзо Турсунзода, адибон Ҳамид Обидӣ, Мустафо Шарқӣ, Муллоҷон Саъдуллоев ва дигарон машҳури олам карданд. Хушбахтона, маҳфили адабии Ҳисор имрӯз ҳам бо номи «Истеъдод» амал менамояд. Ин маҳфил дар тарбияи адибони ҷавон, нашри китобҳо саҳми арзанда дорад. Нуҳ нафар аъзои ин маҳфил аъзои Иттифоқи нависандагони Тоҷикистонанд.