Корҳои фаҳмондадиҳӣ байни аҳолӣ пурзӯр мешаванд

Душанбе, 17 декабр. (АМИТ«Ховар», Лайло Қосимова). -Кормандони Хадамоти давлатии оташнишонии ВКД бо супориши роҳбарияти ВКД ва Сарраёсат, бо мақсади боз ҳам хубтару беҳтар ба роҳ мондани ҳолати бехатарӣ аз сўхтор, такмили пешгирии он ва усулҳои огоҳкунӣ аз сўхторро дар хонаҳои пиронсолон, муассисаҳои томактабиву таълимӣ, хона-интернатҳо дар давраи тирамоҳу зимистони солҳои 2013 ва 2014 ҷоннок намуда истодаанд. Зимни гузаронидани як қатор чорабиниҳои зиддисўхторӣ дар хона-интернати пиронсолон ва маъюбони ноҳияи «Ёвон» кормандони ХДО шоҳиди он гаштанд,ки иншооти номбурда аз олотҳои аввалиндараҷаи зиддисўхторӣ ва аёниятҳои огоҳкунӣ аз сўхтор, таҷҳизоти аз сӯхтор воқифкунанда таъмин буда, барои назорати доимӣ ва муҳофизат намудани молу амволи хона-интернат ҳангоми ҳодисаҳои нохуш навбатдории шабонарўзӣ аз тарафи маъмурият ташкил шуда, бо дастаҳои идоравии оташнишонии он пайваста машғулиятҳои назариявию амалӣ гузаронида мешаванд.Мутахассисони хадамот ҳафтаи сипаришуда дар Донишгоҳи давлатии тиҷорати Тоҷикистон дар якҷоягӣ бо омўзгорон, масъулину муттасадиён машварат дар мавзўи «Бехатарӣ аз сӯхтор»-ро баргузор намуда, бо ҷамъомадагон машғулиятҳои амалӣ бо истифода аз асбобҳои аввалиндараҷаи зиддисўхторӣ гузарониданд.Чунин корҳои фаҳмондадиҳӣ дар ширхоргоҳҳои «Дўстрӯяк», «Афсона», «Ситорача»-и корхонаи воҳиди давлатии «Ширкати алюмини тоҷик» ва Маркази минтақавии хизматрасонии иҷтимоӣ бо нафақахӯрон ва маъюбони шаҳри Душанбе гузаронида шуданд.