Муҳокимаи Нақшаи миллии иҷрои Муоҳадаи Стокголм

Душанбе, 11 декабр. (АМИТ «Ховар», Назир Назиров). — 10 декабр дар шаҳри Душанбе семинари миллӣ дар мавзӯи «Фаъолияти бахши ҷамъбаст ва таҷдиди Нақшаи миллии иҷрои Муоҳадаи Стокголм дар бораи моддаҳои устувори ифлоскунандаи органикӣ» ба кораш шурӯъ намуд.Ин чорабинӣ бо дастгирии Кумитаи ҳифзи муҳити зисти назди Ҳукумати ҶТ, Муассисаи давлатии «Маркази иҷрои ӯҳдадориҳои Муоҳадаи Стокголм» ва Барномаи оид ба рушди саноати СММ роҳандозӣ шудааст. Иштирокдорони семинар бо лоиҳаи «Фаъолияти бахши ҷамъбаст ва таҷдиди Нақшаи миллии иҷрои Муоҳадаи Стокголм дар бораи моддаҳои устувори ифлоскунандаи органикӣ дар Тоҷикистон», мақсадҳои он ва роҳҳои ҳалли мушкилогти кишвар дар бахши танзим ва хотима бахшидан ба моддаҳои устувори ифлоскунанда шинос мешаванд.