Парлумон кабинаи нави ҳукуматро тасдиқ менамояд

Душанбе, 11 декабр.(АМИТ «Ховар», Марзия Саидова).-Тавре ки иттилоъ дода будем, 16 декабри соли 2013 дар шаҳри Душанбе ҷаласаи якҷояи ғайринавбатии Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, даъвати чорум баргузор мегардад.  Аз палатаи болоии Парлумони мамлакат ба АМИТ «Ховар» иттилоъ доданд, ки аъзои Маҷлиси миллӣ ва вакилони Маҷлиси намояндагони Маҷлиси Олии Ҷумҳурии Тоҷикистон рӯзҳои 13, 14 ва 16 декабри соли 2013 аз соати 8:00 то 17:00 дар бинои Маҷлиси Олии Ҷумҳурии Тоҷикистон, ошёнаи якум, утоқи 2 ба қайд гирифта мешаванд. Аъзои Маҷлиси миллӣ ва вакилони Маҷлиси намояндагони Маҷлиси Олии ҷумҳурӣ имкон доранд бо телефонҳои 20-26, 221-89-35 дар тамос бошанд. Интизор меравад, ки дар ҷаласаи муштараки палатаҳои болоӣ ва поёнии Парлумони мамлакат фармонҳои Президенти Ҷумҳурии Тоҷикистон дар бораи аз вазифа озод ва ба вазифа таъйин намудани роҳбарону масъулини вазорату идораҳои ҷумҳурӣ тасдиқ хоҳад гардид.