Пажӯҳишгоҳи фалсафа – соҳиби ҷоиза

Душанбе, 2 декабр. (АМИТ «Ховар», Екатерина Пасторова).- Пажӯҳишгоҳи фалсафа ва ҳуқуқи ба номи академик А.М.Баҳоваддинови Академияи илмҳои Ҷумҳурии Тоҷикистон дар бахши «Илмҳои ҷамъиятӣ» — и озмуни байналмилалӣ барои лоиҳаи беҳтарини илмии «Китоби илмӣ» соҳиби Дипломи ғолиб гардид.Маросими мукофотонӣ моҳи ноябр дар шаҳри Маскав баргузор шуд. Ҳайати пажӯҳишгоҳ аз соли 2009 ба офаридани асари монументалии илмии «Таърихи фалсафаи тоҷик» шурӯъ карда буд. Барои таълифи ин китоб сарчашмаҳои асарҳои илмии қадимӣ, ки дар махзанҳои худи Пажӯҳишгоҳи фалсафа ва ҳуқуқ ва Пажӯҳишгоҳи шарқшиносӣ маҳфузанд, мавриди истифода қарор гирифтанд. Дар натиҷаи ин китоби сеҷилдае ба табъ расид, ки мислаш дар ягон ҷойи ҷаҳон набуд ва нест.