Таҳқиқоти намояндагони Бонки ҷаҳонӣ дар Тоҷикистон

Душанбе, 4 декабр. (АМИТ «Ховар», Зарангези Латиф).- Аз 2-юми то 7-уми декабри соли равон намояндагони Бонки ҷаҳонӣ дар доираи лоиҳаи «Барномаи мустаҳкам намудани унсурҳои идоракунӣ» дар Тоҷикистон таҳқиқи худро анҷом хоҳанд дод.Дар доираи ин таҳқиқ дар назар аст, ки вохӯрии ҳайати вакилон бо роҳбарияти як силсила сохторҳои давлатӣ сурат гирад. Аз ҷумла, имрӯз дар Вазорати маориф ва илми ҷумҳурӣ вохӯрии муовини вазири маориф ва илм Фатҳиддин Исмонов бо мушовири байналмилалии Бонки ҷаҳонӣ Пол Бернд Спан сурат гирифт.Пол Бернд Спан аз корҳои дар ин самт анҷомдодаи вазорат изҳори қаноатмандӣ намуда, Вазорати маориф ва илмро яке аз пешоҳангони соҳаи таҳияи буҷет ва маблағгузорӣ номид.Фатҳиддин Исмонов, муовини вазири маориф ва илм дар робита ба ин масъала таъкид намуд, ки дар доираи амалисозии лоиҳаи мазкур дар вазорат корҳои мушаххасе анҷом дода шудаанд ва Вазорати маориф ва илм натиҷаҳои назаррасро ноил ҳам гаштааст. Махсусан, дар татбиқи маблағгузории сарикасӣ дар муассисаҳои таҳсилоти умумӣ натиҷаҳо боиси омӯзишу таҳқиқи алоҳидаанд.Ҷонибҳо аз вохӯрӣ ва масоили дар он муҳокимашуда изҳори қаноатмандӣ намуданд.Дар ин бора Маҳмудхон Шоев, сухангӯи Вазорати маориф ва илми ҷумҳурӣ хабар дод.