Ҳамкории серсоҳаи Тоҷикистону Беларус
Душанбе, 30.01.2014. (АМИТ «Ховар», Кристина Эрлих).- 29 январ дар шаҳри Душанбе мулоқоти раиси Палатаи савдо ва саноати ЧТ Шариф Саид ва Сафири Беларус дар Тоҷикистон Олга Гаврук баргузор гардид.
Тавре ки аз ПСС ҶТ ба мухбири АМИТ «Ховар» хабар доданд, мусоҳибон масоили дуҷонибаро баррасӣ намуда, ба ҷиҳатҳои рушди равобити тиҷоратию иқтисодӣ ва густариши ҳамкории Шӯрои тоҷирони «Тоҷикистон – Беларус» таваҷҷуҳи хоса зоҳир намуданд.
«Солҳои охир муносибатҳои тиҷоратию иқтисодии кишварҳои мо босуръат рушду густариш меёбанд», — зикр намуд Шариф Саид.
«Мо мехостем, ки маҳсулоти гуногунамонро ба бозори Тоҷикистон бароварда, ҳамкории байни корхонаҳоямонро минбаъд ҳам мустаҳкам намоем», — гуфт Сафир.
Соли 2013 асоси содироти Беларус ба Тоҷикистонро тракторҳо, шакар, маҳсулоти нафт, тахтаҳои чӯбин, ҳамчунин дорувор, автомобилҳои боркаш ва ҷӯробу пайпоқ ташкил дод. Аз Тоҷикистон ба Беларус нахи пахта, меваи хушк, чормағз, калобаи пахтагин ва либос ворид гардид.
6 феврал дар якчанд вазорату идораҳо нишасти матбуотӣ баргузор мегардад
Оид ба тағйирёбии иқлим ва стратегияҳои мутобиқшавӣ дар Осиёи Марказӣ конференсияи байналмилалӣ доир мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
«МегаФон Life»: алоқа бе маҳдудият ва хароҷоти зиёдатӣ
НИШАСТИ МАТБУОТӢ. Палатаи савдо ва саноат иштироки соҳибкоронро дар 38 намоишгоҳ таъмин намудааст
СОЛИ 2026 — СОЛИ АМАЛҲОИ НЕК, ТАШАББУСҲОИ СОЗАНДА ВА ДАСТОВАРДҲОИ НАЗАРРАС. Онро метавон марҳилаи нави ободонӣ ва худшиносии миллӣ номид
Имрӯз дар баъзе ноҳияҳои Тоҷикистон туман мефарояд
