Баррасии сабабҳои дур мондани духтарон аз таҳсил

Душанбе, 13 январ. (АМИТ «Ховар», Зарангези Латиф).- Яке аз сабабҳои дур мондани толибилмон, махсусан духтарон аз макотиби таҳсилоти миёнаи умумӣ- ин дур будани муассисаҳои таҳсилоти умумии асосӣ ва миёнаи умумӣ аз ҷои зисти хонандагон мебошад. Дар ин самт мактуби вазири маориф ва илм аз 25.07.2013 ҷиҳати ба муассисаҳои таҳсилоти умумии асосӣ ва миёнаи умумӣ табдил додани муассисаҳои таҳсилоти ибтидоӣ ба унвони раисони вилоят, шаҳру ноҳияҳои ҷумҳурӣ фиристода шуд, -гуфт Раҳматулло Мирбобоев, муовини аввали вазири маориф ва илми ҷумҳурӣ имрӯз зимни нишасти матбуотии ин вазорат.