Бохти дастаи ҷавонон

Душанбе, 28 январ. (АМИТ «Ховар»).- Дастаи   мунтахаби ҷавонони  Тоҷикистон  оид ба  футбол (U-21) бозии  хотимавии  худро  дар  марҳалаи  гуруҳӣ барои  дарёфти  Ҷоми Иттиҳод  дар  шаҳри  Санкт – Петербург  анҷом  дод. Дастаи  мунтахаби  Тоҷикистон  ин  бозиро  бо  ҳисоби  1 бар 4  ба  дастаи Украина бохта,  ба  мусобиқоти  чорякниҳоӣ роҳхат  пайдо  карда натавонист. 
 
Тавре  ки  аз Федератсияи  футболи  Тоҷикистон   хабар  доданд,  дастаи  Украина  бо  9  хол  дар  гуруҳи  худ   мақоми  аввалро  касб  намуд. Ҷойи  дуюм  насиби  дастаи  Эстония  гардид. Футболбозони  ҷавони тоҷик  бо  2  хол  мақоми  сеюмро  касб   намуданд. 
 
Акнун  дастаи  мунтахаби  ҷавонони  Тоҷикистон  бояд  дар   мусобиқоти  тасаллобахш барои  ҷойҳои  9 – 12 — ум  вохӯриҳоро  анҷом  диҳад. Футболбозони тоҷик  30  апрел бо  дастаи  Молдова  вохӯрда,  дар  сурати  ғолибият  барои  ҷойҳои  9  ва  10 – ум  бо  ғолиби  вохӯрии  дастаҳои  Қирғизистону  Қазоқистон  қувваозмоӣ  менамояд.