Саркашии ҷавонон аз хизмати ҳарбӣ кам мегардад

Душанбе, 21 январ. (АМИТ «Ховар», Лайло Қосимова).- «Саркашӣ аз хизмати ҳарбӣ ва ҷинояти фирор дар қисмҳои ҳарбӣ тамоюли пастшавӣ дорад»,- гуфт раиси Суди Олии ҶТ Нусратулло Абдуллоев 21 январ дар нишасти матбуотӣ. Бино ба гуфтаҳои ӯ соли 2013 бо моддаи 374 — 17 нафар ба ҷавобгарии ҷиноятӣ кашида шуданд, ки ин нисбат ба соли гузашта 20 нафар камтар мебошад. Яъне, соли 2012 теъдоди чунин шахсон 37 нафар буд. Аз ҷумла, зикр гардид, ки дар соли 2013 нисбат ба 5 нафар судяи ҷумҳурӣ ҳукми айбдоркунӣ бароварда шуд. Онҳо барои қаллобӣ, гирифтан ва ё додани пора ва дигар ҷиноятҳо ба маҳкама кашида шуданд.