Ш.Саид: «Мо ширкатҳои Туркияро ба ҳайси сармоягузорон диданием»

Душанбе, 16 январ. (АМИТ «Ховар», Кристина Эрлих).- 14 январ дар шаҳри Душанбе мулоқоти раиси Палатаи савдо ва саноати ҶТ Шариф Саид бо аъзои Конфедератсияи соҳибкорону саноатчиёни Туркия — TUSCON (ТУСКОН) баргузор гардид.Тавре ки аз Палатаи савдо ва саноати ҶТ ба АМИТ «Ховар» хабар доданд, мақсад аз сафари ҳайати Туркия шиносоӣ бо имкониятҳои иқтисодию инвеститсионии Тоҷикистон ва муҳокимаи усулҳои имконпазири ҳамкорӣ мебошад. «Мо мехоҳем, ки ширкатҳоит Туркияро ҳар чи бештар ба ҳайси сармоягузорон бинем, зеро муҳити сармоягузорӣ дар Тоҷикистон басо мусоид аст. Барои ин лоиҳаҳои нави бахшҳои сохтмон, мошинсозӣ, нассоҷӣ, саноати сабук ва хурокворӣ мавҷуданд», — гуфт Шариф Саид.Ба гуфтаи роҳбари ҳайати Туркия Ҷошкун Эркен, бояд ба Тоҷикистон таваҷҷӯҳи хоса зоҳир намуда, аҳли тиҷорати Туркия аз имкониятҳои ҷумҳурӣ воқиф гарданд.Ҷошкун Эркен ҳамчунин зикр намуд, ки ҷониби Туркия омодааст, ки ҳайати расмии тиҷоратию иқтисодии Тоҷикистонро дар Туркия ба ҳузур пазирад.